Ginhangkat sang abogado ni Sheila Guo ang mga nagaduda sa nangin testimoniya sang iya kliyente sa pagsinapol sang Senado sadtong Martes, Agosto 27.
Suno kay Atty. Stephen David nga abogado man sang ginpahalin nga anay alkalde sang Bamban, Tarlac nga si Alice Guo, kinahanglan nga magpakita sang pamatuod ukon ebidensya nga nagabinutig si Sheila Guo ang mga nagaduda sa iya.
Depensa pa ni Atty. David nga ginpamangkot ni Sheila si Alice Guo kung sa diin sila padulong sang gab-i nga naglakat sila sang Pilipinas apang wala nakakuha ang mga ini sang instakto nga sabat.
Kabangdanan agud nagrely suno diri si Sheila sa iya kaupod kag nagapati ang amu nga abogado sa iya kliyente.
Sa pagsinapol sang Senado, nagaguha nga indi matuod nga mag-utod sanday Alice Guo kag Sheila Guo.
Nahibaluan nga gumangkon siya ni Lin Wen Yi nga karelasyon sang amay ni Alice nga si Jian Zhong Ghuo.
Samtang, may yara naman nga Chinese passport si Sheila kung sa diin ang nakabutang nga pangalan sini amu ang Zhang Mier.
