24 patay, masobra 50 pilason, sa suicide car bombing nga nag-igo sa tren nga may sakay nga mga suldado sa Pakistan

Indi magnubo sa 24 ka tawo ang napatay kag sobra 50 ang pilason matapos ang isa ka car bomb attack sa Quetta, Balochistan sa Pakistan.

Ang target sang pag-atake amo ang tren nga may sakay nga mga suldado. Bangud sini, naguba ang pila ka pamalay kag tren sa lugar.

Gin-ako sang Balochistan Liberation Army ang pag-atake.

Bangud sa insidente, nagdeklara sang state of emergency ang pila ka ospital sa Quetta.

Ginkondenar naman ni Shehbaz Sharif ang natabo kag nagsiling nga padugangan pa ang kampanya batok sa terorismo.