ROXAS CITY – Kumpyansa si Governor Antonio del Rosario nga indi maapektuhan ang kandidatura ni anay DILG Secretary Mar Roxas sa mga akusasyon sa iya ni President Rodrigo Duterte nga ini ang yara sa likod sang ginaalegar makaduha ka beses nga pag-ambush sa anay police aide kag karon Daanbantayan Cebu Mayor Vicente Loot.
Sa interview sang Bombo Radyo Roxas kay Governor del Rosario, ginpahayag sini nga wala sang Capizeño nga mapati sa ginbuy-an nga pahayag ni President Duterte bangud kilala si Roxas nga tawo nga may kredibilidad kag wala sa batasan sini nga magmandu para magpapatay sang tawo nga maapit sa iya.
Aminado ang gobernador nga wala sini nagustuhan ang pamaagi sang paglahog sang presidente bangud ang akusasyon sang pagpatay ang malayo sa personalidad ni Roxas nga kilala nga isa ka maayo nga tawo kag gikan sa maayo nga pamilya.
Samtang nagapati man si Governor del Rosario nga pagpangguba lamang ini kay Roxas bangud nakasulod sa Top 12 sa mga survey ang pangalan sang anay DILG secretary
