Nakapagkit sang mga panibag-o nga aktibidad ang Bulkang Kanlaon suno sa nangin 24hr monitoring sang Philippine Institute of Volcanology and Seismology (PHIVOLCS).
Suno sa datos nga ginpaguha sang PHIVOLCS, nag-angkon sang 29 nga pagtay-og sang bulkan nga nagdugay sang halos 8 ka minuto samtang duha ka beses naman nga nagbuga ini sang abo nga nagdugay man sang 4 tubtob 8 ka minuto.
Nakapagkit man sang wala untat nga pagsungaw ang amo nga bulkan, panalagsahon nga pag-ulan sang abo.
Samtang, nagapabilin nga nakataas ang Alert Level 3 sa bulkan kag hugot nga ginapahanumdoman ang mga pumuluyo nga maghalong sa mga posible paglupok, pagbuga sini sang lava, pag-ulan sang abo, rockfall kag pag-ilig sang lahar kun may mabaskog nga pag-ulan.
Padayon nga nakamonitor naman ang PHIVOLCS sa mga aktibidad sang bulking Kanlaon.
