Roxas City – Kapin sa 30 ka mga illegal fish structures sa suba ang natalana nga i-demolish sang City Agriculture Office kadungan sang ginpatigayon nga inspeksyon sa mga illegal structures sa mga kasubaan sa siyudad.
Sa interview sang Bombo Radyo kay CAO Regulatory Officer Rizalde Astrolabio gintuad sini nga nagapatigayon man sila sang clearing operation sa mga kasubaan sa siyudad kag sakop sang Panay River nga ginalakipan sang Culasi, Libas, Tanque kag Cadimahan river.
Nahibaluan nga ginatos ka mga illegal fishing structures kag indi lisensyado nga mga fish cages ang narekober sang ahensya sang damlag lang.
Kasunod sini ginpatawag nila ang mga illegal fish cage operators nga wala nagasunod kag ginmandoan nga magkuha sang nagakaigo nga permit para sa legal nga operasyon.
Nagpanugyan naman si Astrolabio sa mga operators sang illegal structures nga kuhaon na ang mga illegal nga istruktura sa mga kasubaan sa sulod sang 15 diyas.
Matandaan nga nagpanugyan ang gobyerno sang siyudad nga may yara nagakaigo nga penalidad ang sin-o man madakpan nga wala nagasunod sa pagsulundan.
