Karpintero kritikal matapos lab-on sang kapareho nga karpintero

ROXAS CITY – Kritikal sa ospital ang isa ka panday matapos ginlabo sang kaupod nga panday sa Barangay Damayan, Sapian, Capiz.

Nag-angkon sang pilas sa ulo kag magkatuhay nga bahin sang lawas ang biktima nga si Ismael Lorento sang nasambit nga lugar.

Nagaguwa sa imbestigasyon sang Sapian PNP nagkita sa  bilasyunan ang biktima kag ang suspek nga si Nonito Dice.

Apang sa wala mahibaluan nga rason, nakaangkon sang pagbaisay ang duha tobtob ginlabo sang suspek ang biktima.

Nahibaluan nga lunsay yara sa impluwensiya sang makahulubog nga ilimnon ang duha.

Samtang nakahunong na sa karsel ang suspek matapos nadakpan ini sang mga barangay tanod nga nagresponde sa insedente.//