Gin-anunsyo sang Malakanyang nga gin-dismiss na sang Quatar government ang kaso batuk sa 17 Filipino OFWs nga nadakpan bangud sa kaso nga illegal assembly.
Suno kay Palace Press Officer USec Claire Castro naka-istorya ni Presidente Ferdinand Marcos Jr si Qatari Ambassador Ahmed bin Saad Al-Homidi kagaina sang aga.
Ginpakigbahin ni Al-Homidi nga gindismiss na sang Qatari authorities ang reklamo batuk sa 17 OFW nga gindakop sadtong March 27 dahi daw sa unauthorized demonstration.
Suno kay Castro, ginpahayag ni Al-Homidi nga reflection ini sang mabakod nga pag-abyanay sang duha ka pungsod.
Sang nagligad nga semana, una nga ginreport ni Department of Migrant Worker Secretary Hans Leo Cacdac nga ginhatagan sang mga otoridad sang Qatar ang provisional release sa mga OFWs.
Ang aksyon sang DMW ang sandig man sa mando ni Presidente Marcos sa ila nga buligan ang paghilway sa mga OFWs.
