Kaso sang COVID-19 sa probinsiya naglab-ut na sa 102

ROXAS CITY-Naglab-ut na sa 102 ang kabug-osan nga kaso sang Coronavirus Disease ukon COVID-19 sa probinsiya sang Capiz.

Ini sandig sa ginpaguwa nga datos sang Capiz Provincial Health Office kun sa diin duha ka mga panibag-o nga kaso ang nagdugang sa probinsiya subong nga adlaw.

Nahibaluan nga nagpositibo ang duha ka mga babayi nga lunsay mga Locally Stranded Individual nga residente sang banwa sang Pilar.

Ginapahayag nga may yara sang history of travel sa San Pedro, Laguna kag Taytay, Rizal ang amo duha ka mga nagpositibo.

Samtang, gikan sa nasambit nga numero, 26 diri ang ginakabig nga mga active case ukon padayon nga ginabulong sa probinsiya, 73 ang nakarekober kag tatlo naman ginbawian sang kabuhi.