Naglab-ut sa 2,608 ang napagkit nga kaso sang Dengue sa bug-os nga Western Visayas.
Sandig sa datos nga ginpaguwa sang Department of Health Region-6 ang may pinakamadamo nga napagkit nga kaso amo ang Negros Occidental nga may yara sang 790 ka mga kaso, probinsiya sang Iloilo nga may yara sang 499, Aklan nga may yara sang 388, Capiz nga may yara sang 277, Antique 255, Iloilo City nga may 191, Bacolod City nga may 154, kag Guimaras nga may yara sang 65 ka mga kaso.
Kadam-an sa mga kaprobinsiyahan kag siyudad ang nakarekord na sang patay magluwas sa Bacolod City kag probinsiya sang Guimaras.
Samtang padayon sa gihapon ang pagpahanumdum sang DOH sa mga pumuluyo nga mag-obsebar sang 4s ukon “Search and Destroy, Self-Protection, Seek early consultation, and Support fogging/spraying.
