ROXAS CITY – Preparado na ang katapo sang Bureau of Fire Protection (BFP) Roxas para sa Undas 2024 bwas nga adlaw.
Sa interview sang Bombo Radyo sa tagpamaba sang BFP Roxas nga si SF01 Junemar D. Galve, ginpahayag sini nga naka-full alert status na ang ila hanay agud magbulig sa iban pa nga ahensya sa pagbantay sang seguridad sang publiko sa mga sementeryo.
Suno kay Galve, may yara 71 nga mga nakadesignate nga bombero kung sa diin gintunga ang mga ini sa tagsa ka mga sementeryo diri sa syudad.
Panugyan sini sa publiko nga mangin aligmat sa mga kandila nga ginasindihan ilabi na sa sulod sang puluy-an.
Siguraduhon man suno diri antes maglakat ukon magkatulog istekyar ang mga dapugan, mga altar kag nakasaksak nga mga gamit agud malikawan ang sunog sa adlaw sang Pista Minatay.
