ROXAS CITY, CAPIZ-Dutayan lang nga mabiktima sang kawatan ang puluy-an kag resort sang Punong Barangay sang Baybay, Roxas City sang Nobyembre 6, 2025.
Sa interview sang Bombo Radyo kay Punong Barangay Erwin Oroceo sang nasambit nga barangay, iya ginpahayag nga nagtuyo sang kawatan nga magsaka sa ika-duha nga panalgan sang ila nga balay apang nakit-an ini sang iya nga utod kag mga hinablos.
Suno kay Oroceo, ginapahayag nga isa sa mga evacuees ang nasambit nga kawatan, bangud nga wala sang iban nga nakahibalo nga may pagkabutang sa amo nga bahin magluwas sa ila kag ang mga nag-evacuate.
Pahayag nya, mahubin pa ang kawatan apang ginabulubanta nga indi na sang menor de edad.
Madasig naman nga nakapalagyo ang kawatan kag wala sang may nataban nga pagkabutang halin sa balay sang Punong Barangay.
Nagpanawagan naman ang natungdan sa mga pumuluyo nga magdoble-halong gid, magpabilin nga alimat kag magbinuligay agud nga matapna kag madakpan ang mga kawatan sa ila nga lugar.
Interviewed by Bombo Sunnie Mae Constantino Batencila
