Padayon nga ginaaksyunan sang mga opisyales sang Barangay Baybay, Roxas City ang pila ka mga nabalhag nga kinawatay sa lugar.
Sa interview sang Bombo Radyo kay Punong Barangay Erwin Oroceo sang Barangay Baybay, ginpahayag sini nga wala ini sila naga-untat sa pagbantay apang sila man suno diri ang ginabatayan sang mga ginapahayag makawat bangud sang mga ini nga wala na sang may naga-duty ukon naga-standby nga mga tanod sa lugar ilabi na sa kaaganhon.
Suno pa kay Oroceo, sa mga nagapadulong sa lugar, magbinuligay nalang sa pagbantay kag i-secure ang ila mga pagkabutang agud malikawan nga makawatan.
Nagahinyo man sang bulig si PB Oroceo sa mga kapulisan nga liwat nga magpahamtang sa lugar sang police visibility kaupod ang mga tanod agud magbantay tubtob sa kaaganhon sa nasmabit nga barangay.
