ROXAS CITY – Suspendido ang klase sa mga eskwelahan sa tanan nga lebel sa
Roxas City bangud sa pagbaha nga tuga sang mabaskog nga ulanhumalin pa kaina sang aga.
Nangin alagyan ang Bombo Radyo Roxas para mapalab-ot ni Mr. Rommel Lastimoso, City Disaster Risk Reduction and Management Officer ang deklarasyon sang alkalde kag DepEd nga pagsuspende sa klase humalin sa elementarya kag sekondarya sa tanan nga buluthuan sa syudad matapos ginbaha na ang mga eskwelahan bangud sa mabaskog nga ulan.
Suno kay Lastimoso nga sa pihak nga wala sang bagyo, apang ang padayun nga pagbubo sang ulan ang rason sa pagtaas sang tubig nga nagsulod na sa compound sang mga eskwelahan gani sa pag-estoryahanay nanday Mayor Angel Alan Celino kag DepEd City Schools Division Superintendent Felisa Beriong, nadesisyunan nga suspendihon na ang mga klase para makapauli ang mga estudyante.
