Gin-anunsyo sang Korte Suprema ang deklarasyon sang ‘articles of impeachment’ nga gina-atubang ni Bise Presidente Sara Duterte bilang ‘unconstitutional’.
Sa ginpatigayon nga press conference kahapon nga adlaw, ginpahayag ni Supreme Court Spokesperson Atty. Camille Sue Mae Ting nga gindeklarar sang Korte Suprema nga unconstitutional ang impeachment complaint batuk sa ikaduha nga presidente.
Sa impormasyon nga natipon sang Bombo Radyo, ini nga deklarasyon ang kasunod sang ginhiwat nga en banc session sang mga mahistrado kahapon nga adlaw, Biyernes, Hulyo 25.
Kon sa diin ang resulta sang mga boto sang mahistrado amo ang unanimous ukon ‘unanimous decision’ ang resulta sang sesyon sang Korte.
Ginabug-usan ini sang 13 ka mga mahistrado nga nagboto pabor sa nullify ukon ‘null’ kag ‘void’ ang nasambit nga mga artikulo sang impeachment.
Lakip diri sanday Associate Justice Raul Villanueva, kag Senior Associate Justice Marvic Leonen.
Nag-abstain si Associate Justice Benjamin Caguioa, samtang yara naman sa official leave ang isa pa ka mahistrado nga si Associate Justice Maria Filomena Singh.
Base sa desisyon, ginhatagan pagtamod nga ang ginpasaka nga impeachment complaint nagalapas sa Article 6 Section 3 sang Konstitusyon ukon ang 1 year rule sa pagpasaka sang partikular nga reklamo.
Ginapahayag nga ini ang nag-ugat sa apat ka mga reklamo sa impeachment batok kay Bise Presidente Sara Duterte, ang una nga tatlo sini ang ginpasaka sang Disyembre 2, 4, kag 19 sang nagligad nga tuig 2023.
Magluwas diri, ginalakipan man sang basehan sang desisyon ang paglapas sa pagkilala sang due process sa Bill of Rights bangud nga gindalidali ang pagpasar sang nasambit nga impeachment complaint.
Gani santo sa deklarasyon sang korte suprema, suno kay Spox Sue Mae Teing ‘gilayon nga executory’ ukon ipatuman ini gilayon.
