Mas nagbaskog pa bilang isa ka Typhoon ang bagyo nga yara pa sa guwa sang Philippine Area of Responsibility (PAR) nga may international name nga “Krosa”.
Suno sa state weather bureau, ulihi ini nga na-monitor sa kalayuon nga 2,460 km nasidlangan sang Northern Luzon.
Apisar nga wala pa sa PAR, padayon ang monitoring sang ahensya sa hulag sang bagyo.
Ang Habagat ukon Southwest Monsoon padayon nga naga-apekto sa malapad nga bahin sang Luzon.
Lakip sa mga lugar nga maka eksperyensya sang masami nga pag ulan amo ang Ilocos Sur, La Union, Pangasinan, Zambales, Bataan, kag Occidental Mindoro.
Samtang magal-umon naman ang panahon nga may lapta-lapta nga pag-ulan kag pagpanaguob sa Metro Manila, Cordillera, Cagayan Valley, CALABARZON, kag nabilin nga bahin sang Central Luzon, Ilocos Region, kag MIMAROPA. Posible man ang flash flooding diri.
Lauman man ang magal-umon tubtub magal-umon ang kalangitan nga mabatyagan sa iban nga bahin sang pungsod, apang may yara sa gihapon sang tsansa sang malip-ot nga pag-ulan ukon thunderstorms, nga posible man mangin kabangdanan sang pagbaha.
