Didto sa Japan, isa man sa lugar nga masami nga ginatay-og sang Linog ang naka-imbento sang isa ka literal nga nagapataas sang paglaum para sa mas luwas nga mga puluy-an.
Ang Air Danshin Systems Inc., nga gintukod sang imbentor nga si Shoichi Sakamoto, nakahimo sang isa ka pinasahi nga seismic isolation system sang linog nga makaalsa sang bug-os nga balay sa tunga sang linog.
Sa tion nga mabatyagan sang mga sensor ang pagtay-og, gilayon nila nga ginapagwa compressed air sa idalom sang balay, nga nagatulod sini tubtob sa 3 ka sentimetro nga bastante na agod malikawan ang grabe nga pagtay-og.
Sa sulod lamang sang tunga sa segundo, ang balay nagalutaw sa hangin sa tion sang linog, kag gilayon nga magahinay ini nga ginapanaug pabalik sa duta kon mag-untat ang pagtay-og.
Apisar sini,Nagpaandam ang mga eksperto nga ang mas mabaskog , multi-directional nga mga linog mahimo magtilaw sang mga limitasyon sang sistema, nagapabilin naman nga positibo ang panan-awan para sa sini nga teknolohiya.
Sa subong, ginaduso ang crowdfunding agud mapalapnag ang floating house system indi lamang sa Japan, kundi sa iban nga bahin sang kalibutan.
