ROXAS CITY – Partially burned ang isa ka kwarto sang boarding house sa bahin sang Arches Subd., Sorongon, Boulevard, Roxas City.
Sa inisyal nga impormasyon nga nakuha sang Bombo NewsTeam sa lugar, ginpahayag nga posible ang suga nga ginbay-an ang gintunaan sang amu nga sunog kung sa diin naglatay ang kalayo sa kuryente sang ceiling fan.
Mahibaluan, nga wala sang tawo ang kwarto sang natabo ang insidente.
Dugang pa sini nga nakit-an na lamang sang iban nga mga boarders nga madamo na sang aso sa amu nga hulot kabangdanan nga ginbringka na lamang nila ini.
Natigayon naman nga mapalong ang kalayo sa bulig sang mga boarders nga nagbasya sang tubig kag balas.
Sa karun padayon pa ang imbestigasyon sang mga otoridad kung pila ang ginbilin nga halit sang sunog.
