ROXAS CITY – Arestado ang isa ka lalaki nga may kaso nga pagpangawat sa Barangay IX, Roxas City takna 12:15 sang kaaganhon Nobyembre 18, 2023.
Ginkilala ang nadakpan kay alyas “Bangrus” 35-anyos nga residente sang Barangay Linateran, Panay Capiz.
Natigayon nga madakpan ang amu nga persona pinaagi sa gintingub nga pwersa sang Panay Municipal Police Station kag Roxas City PNP.
Ang warrant of arrest ang gin-isyu kag ginpirmahan ni Hon. Jennie Ann Tayag Logronio, Presiding Judge, Municipal Trial Court in cities, 6th Judicial Region, Branch 1, Roxas City napetsahan Nobyembre 14,2023.
Mahibaluan nga sang madakpan si alyas “Bangrus” nakuhaan man ini sang 1 ka sachet sang ginapatihan shabu.
Sa karun yara na sa kustodiya sang Roxas City PNP, ang nadakpan para sa nagakaigo nga disposisyon.
