Lalake nga nagabakal sang soft drink sa tindahan, ginluthang-patay

Isa ka lalaki ang ginluthang-patay samtang nagabakal sang soft drink sa isa ka tindahan sa General Santos.

Suno sa report empleyado sang isa ka dealership sang motorsiklo ang biktima sa Barangay San Isidro.

Sa imbestigasyon sang kapulisan, ginpahayag nga nakibot ang tag-iya sang balaligyaan sang makabati ini sang duha ka lupok.

Sang iya ginlantaw kon diin naghalin ang lupok, nakita lamang niya ang biktima nga duguon na.

Ginadala pa sa ospital ang biktima apang gindeklarar nga dead on arrival bangud sa igo sang bala sa lawas.

Narekober naman sang mga imbestigador ang duha ka shell casings gikan sa .45 caliber nga pusil sa lugar sang krimen.