Pilason ang 25 anyos nga lalaki matapos ginbuno sang isa ka lalaki sa Barangay Parang, Marikina City.
Sa imbestigasyon sang kapulisan, may yara sang daan nga hiligut-anon ang duha ka mga lalaki antes pa matabo ang pagpangbuno.
Suno kay Police Colonel Jenny Tecson, hepe sang Marikina City Police Station, sugaton kuntani sang biktima ang iya live-in partner, kag base sa panaysayon sang witness, nakit-an niya nga magkaupod ang suspek kag ang ka-relasyon sini sadto.
Nagresulta ini sang pagkomprontahanay kag nagtinapungolay tubtob nga nabun-an na sang suspek ang nobyo sang iya sadto ka-live in partner.
Sa likod kag kilid sang lawas ang igo nga buno sang biktima.
Nagpangayo sang bulig ang babaye nga live-in partner kag na-corner sang mga residente ang suspek tubtob nga nadakpan.
Aminado naman ang suspek sa krimen nga ginhimo sini bangud sa selos.
