PILAR, CAPIZ – Arestado ang isa ka lalaki matapos mabaklan sang indi lisensyado nga armas-luthang kag nakuhaan pa sang iligal nga droga sa ginpatigayon nga entrapment operation sang kapulisan sa Barangay San Nicolas, Pilar, Capiz.
Ginkilala ang arestado kay alyas Jeffrey, 28-anyos nga residente sang Brgy. Poblacion Sur, Balasan, Iloilo.
Nakuha sa paghinakop sini ang 1 ka unit sang homemade .22 caliber nga wala sang bala. Dugang nga nakuha sa suspek amo ang 2 ka sachet sang ginapatihan nga shabu kag may kabug-aton nga 10 gramos nga may standard drug price nga P68,000.00.
Magapangatubang ang suspek sang kaso nga paglapas sa R.A. 10591 ukon Comprehensive Law on Firearms and Ammunitions Regulation Act kag R.A. 9165 ukon Comprehensive Dangerous Drugs Act of 2002.
Sa karon yara sa kustodiya sang Pilar PNP ang suspek para sa nagakaigo nga disposisyon.
