ROXAS CITY – Dakop ang isa ka lalaki sa ginkasa nga drug buybust operation sang mga otoridad sa Barangay Poblacion Ilaya, Panay, Capiz.
Ginkilala ang nadakpan kay Ramil Reyes, 33 anyos, residente sang nasambit man nga lugar.
Narekober sa suspek ang napulo ka sachets sang ginapatihan shabu nga nagabalor sang kapin P90, 000, 500 pesos nga marked money, isa ka unit sang colt .45 pistol nga may magazine kag duha ka mga bala kag mga drug paraphernalia.
Magapangatubang ang suspek sa kaso nga paglapas sa Republic Act 9165 ukon Comprehensive Dangerous Drugs Act of 2002.
Ang nasambit nga operasyon ang ginkasa sang gintingob nga pwersa sang Panay Municipal Police Station, Panit-an Municipal Police Station, Maayon, Municipal Police Station kag Provincial Drug Enforcement Unit sang Capiz Police Provincial Office.
PHOTO FROM WEB
