Lalaki ginbuno-patay sa bilasyunan

ROXAS CITY – Ginbuno tobtob mapatay ang 46-anyos nga lalaki sa bilasyunan sa Barangay Lagdungan, Tapaz, Capiz.

Nag-angkon sang pilas sa lawas ang biktima nga si Silvestre Frial sang nasambit nga lugar.

Nagaguwa sa imbestigasyon sang Tapaz PNP nga nagamiron sa sugal sa bilasyunan ang biktima sang nag-abot ang suspek nga si uspek na si Ronnie Palomar kag hinali nga ginbuno ang makaluluoy nga biktima.

Sa kadasig sang hitabo, wala nakahulag ang mga tao sa bilasyunan tobtob nakapalagyo ang suspek.

Gindala pa sa ospital ang biktima apang gindeklara nga dead on arrival sang doktor.

Padayon ang imbestigasyon sang mga pulis kun ano ang nagtulod sa suspek para bun-on si Frial.