Ka-Bombo, nagapati bala kamo nga ang kiss ukon halok magahatag sang comfort sa inyo nga partner? Ukon basi sa subong nga tion magpangduha-duha kana.
Bangud isa ka indian nga lalaki nga si Alyas “Karan” 22 anyos, ang gindala sa hospital bangud nga ginhalukan sini ang iya asawa kag ginkagat ang iya nga dila.
Suno sa iloy sang lalaki, isa ka tuig na ini nga wala nagasapakanay ang iya bata kag ang iya sini nga umagad.
Base sa imbestigasyon sang kapulisan nga gin-aresto ang babaye kag ginpahayag sini nga indi na siya masadya sa ila pag-updanay.
Naghatag naman sang written complaint si Karan sa mga kapulisan batok sa iya asawa bangud hindi ini maka-isturya.
Suno kay Karan, ang insidente nagluntad samtang sila ang nagaaway kag nag-attempt nga halukan sini ang iya asawa apang nakibot nalang ini sang ginkagat ang iya sini nga dila.
Suno naman sa iya asawa, ginpasugtan niya si Karan nga maghalok sa iya kag didto niya ginpa-utwas ang iya kaakig nga wala na siya nalipay pa sa ila married life rason nga ginkagat sini ang dila sang iya nga bana.
