Makaluluoy ang kapalaran sang isa ka lalaki nga ginpatay sa tunga sang dalan kag sa atubang sang madamo nga tawo sa Pasig City sang duha ka mga suspetsado.
Suno sa report love triangle ang ginahalinan sang insidente. Makit-an sa CCTV footage nga nagadalagan ang biktima sang naabutan sang duha ka mga suspetsado sa tunga sang masako nga dalan.
Una nga ginkastigo sang isa ka suspek ang biktima, kag gilayon ginbuno sang kutsilyo sang isa pa ka suspek.
Matapos sini, nagpalagyo ang duha, kag ginbilin ang biktima nga nagahigda nga wala na sang kabuhi sa tunga sang dalan.
Ulihi naman nga nadakpan ang suspek nga nagbuno sa biktima, samtang nagapadayon ang pagpangita sa isa pa ka suspek.
Nagaguwa sa imbestigasyon sang kapulisan nga anay partner sang nadakpan nga suspetsado ang biktima.
Ginapahayag nga nadakpan sang suspek ang iya roommate nga naga-chat sa biktima nga amo ang ginasuspetsahan nga rason sang krimen.
