Lalaki nagparekord sa pulisya matapos ginlampusan ang salakyan sang gina-trabahuan sini nga kompaniya

ROXAS CITY – Nagparekord sa Roxas City Police Station ang isa ka lalaki matapos ginaalegar ginlampusan ang ginamaneho sini nga salakyan sang iya ginatrabahuan nga kompaniya sa Barangay Lawaan, Roxas City.

Ginkilala ang tagreklamo nga si Alfred Abasolo, 48 anyos sang Barangay Lanot, sining siyudad.

Base sa ginparekord ni Abasolo, ginpark sini ang salakyan nga Toyota Wigo sa amo nga lugar apang nakibot ini nga sa iya pagbali, guba na ang pirtahan sang amo nga salakyan.

Ginapatihan sini nga ginlampusan sang wala pa matumod nga matig-a nga butang ang nasambit nga salakyan.

Bangud diri, ginpakamaayo ni Abasolo nga iparekord sa pulisya ang natabo.