Lalaki nga mabakal lang kuntani sang softdrinks sa tyangge, patay matapos ginluthang

Patay ang isa ka lalaki samtan nagabakal sang softdrinks sa tyangge matapos ginluthang sa General Santos City.

Ang biktima nga wala na ginpangalanan ang 31-anyos kag isa ka empleyado sang mpotorcycle ddealership.

Sandig sa imbestigasyon sang kapulisan, nakibot ang tag-iya sang tyangge matapos makabati sang duha ka lupok sang armas kag sang lantawon kun diin halin ang lupok, didtu na kag nakit-an ang duguan nga biktima.

Gintinguha pa nga dal-on sa ospital ang biktima apang gindeklara nga dead on arrival.

Nahibaluan nga duha ka basyo sang bala gikan sa kalibre .45 ang nakit-an sang imbestigador sa crime scene.

Sa subong, padayon ang imbestigasyon sang otoridad agud ma-identify ang identity sang suspek kag kunano ang motibo sang krimen.