Pilason ang 39-anyos nga lalaki matapos ginlabo sa ulo sang iya nga kainuman sa Nueva Vizcaya.
Suno sa report, naghatag sang advice ang biktima sa 21-anyos nga suspek antes matabo ang krimen. Nagaguwa sa imbestigasyon nga gin-agbayan pa sang biktima ang suspek kag nag-advice angut sa pagmaoy sini kun nakainom.
Naghipos ang suspek kag nagpauli apang makaligad ang pila ka minutos, liwat nga nagbalik ang suspek nga may dala nga binangon. Ginpahayag nga sa likod nag-agi ang suspek kag ginlabo sa ulo ang biktima.
Nag-angkon sang patal nga pilas sa ulo ang biktima samtang madasig naman nga nagpalagyo ang suspek.
Nagapabilin sa ospital ang biktima samtang nadakpan naman sang mga otoridad ang suspek nga gintinguhaan pa kuntani nga magpanago matapos makomiter ang krimen.
