Lalaki nga naglapas sa Curfew hours sa banwa sang Panitan, arestado

ROXAS CITY-Ginhunong sa karsel sang Panitan Municipal Police Station ang isa ka lalaki matapos nga ginaalegar naglapas sa curfew hours sa Barangay Poblacion, Panitan, Capiz.

Ginkilala ang arestado nga si Mamerto Butalon residente sang nasambit nga banwa.

Sandig sa imbestigasyon sang mga kapulisan nga sakay sa motorsiklo si Butalon sang ginsita ini.

Sa pihak nga magkooperar, ginapahayag nga tuman ka arogante pa magpanabat ini sa mga awtoridad.

Bangud diri, ginpakamaayo na lamang sang mga kapulisan nga ihunong sa karsel si Butalon para sa nagakaigo nga disposisyon.