Lalaki nga nagpangawat sang duha ka mga branded nga shorts, dakup sang security guard sa isa ka dako nga mall sa Arnaldo Boulevard, Roxas City

ROXAS CITY-Gindakup sang isa ka security guard ang 25-anyos nga lalaki matapos nga nagpangawat sa isa ka dako nga mall sa Arnaldo Boulevard, Roxas City.

Sandig sa ginpabalhag sa Roxas City Police Station ni Dennis Manango, 43-anyos, security guard, kag residente sang Fuentes Subdivision Barangay Baybay sining siyudad  gin-alegar sini nga nagduda ini sa suspek nga ginkilala nga si Eljohn Fuentes, residente sang Barangay Bato sining siyudad nga may yara sang ginkawat sa sulod sang nasambit  nga  mall.

Sang ginsekyar sini ang suspek, nakuha sa posesyon ni Fuentes ang duha ka mga branded nga short nga ginabulubanta P2,000 ang kabug-osan nga bili.

Samtang ginpakamaayo ni Manango nga ipabalhag sa mga kapulisan ang nasambit nga insidente.