ROXAS CITY – Ginkompirmar ni Capiz Governor Esteban Evan ‘Nonoy’ Contreras sa ginpatigayon nga press-conference sang gobyerno-probinsiyal nga may yara sang history of travel sa Metro Manila ang lalaki nga nagpositibo sa coronavirus disease (COVID-19) sa probinsiya.
Suno sa gobernador, ang nasambit nga lalaki ang naga-edad sang 45 anyos kag nagkapauli sa probinsiya sadtong Marso 4, 2020 gikan sa Metro Manila.
Marso 12, 2020 sang sang nakabatyag sang pagpalangatol sang tutunlan, hilanat kag ubo ang amo nga lalaki kag Marso 16 na ini nagpalantaw sa doktor.
Bangud sa iya history of travel sang amo nga lalaki sa lugar nga infected sang COVID-19, ginkuhaan ini sang specimen sample sadtong Marso 18 kag ginpadala sa Research Institute for Tropical Medicine (RITM).
Marso 24, 2020 sang opisyal nga ginpaguwa ang laboratory results kag diri nahibaluan nga nagpositibo ang nasambit nga lalaki sa COVID-19.
Mahibaluan nga ang nasambit nga lalaki ang diabetic kag may yara man sang maintenance medications.
Nahibaluan nga wala sang senyales sang improvement humalin sang na-admit ang amo nga persona sa pihak sang aggressive treatment.
Natalana nga iga-transfer ang nasambit nga persona sa Western Visayas Medical Center sa Iloilo City.
