Sa subong nga tinion tuman nagid kahapos nga bag-uhon ang itsura basta may kwarta ka lang.
Kaangay na lamang sang isa ka pugante sa Turkey nga ginapangita halin pa sang 2018.
Siya amo si Tugrul Basar nga convicted sa tatlo ka robbery crimes nga ginkomiter niya samtang nagapakunu-kuno nga public official sang 2010, apang nakapalagyo sa tatlo ka tuig nga pagkapriso.
Naaresto lamang siya sa isa ka special operation nga gindihon agud madakpan ang mga pugante.
Nangin pinasahi ang kaso ni Basar bangud sa sulod sang pila ka tuig, nagkabuhi ini bilang babayi, kag ginkuha ang identity sang iya nga utod paagi sa pagbaylo sang iya hitsura.
Indi pa maathag kun paano ini natukiban sang kapulisan apang ginapatihan nga naggamit ang mga ini sang surveillance sa pag-monitor sa iya pamilya.
