-- ADVERTISEMENT --
ROXAS CITY-Arestado ang wanted nga persona matapos nga ginserbehan sang warrant of arrest sa Barangay Balighot, Maayon, Capiz.
Ginkilala ang akusado nga si Gerardo Monsair, 61-anyos, BPAT Member kag residente sang nasambit nga lugar.
Ang nasambit nga akusado ang nagapangatubang sa kaso nga paglapas sa R.A. 10591 ukon Comprehensive Firearms and Ammunition Act nga gin-issue kag ginpirmahan ni Hon. Presiding Judge Ignacio I. Alajar, RTC, Roxas City sadtong Agosto 14, 2020.
P14,000 ang ginrekomendar nga piyansa sang korte para sa temporayo nga kahilwayan ni Monsair.
Sa karon nagapabilin sa karsel sang Maayon Municipal Police Station ang nasambit nga akusado.
-- ADVERTISEMENT --
