-- ADVERTISEMENT --
ROXAS CITY – Arestado ang isa ka wanted nga persona matapos ginserbihan sang warrant of arrest sang mga kapulisan sa Barangay Timpas, Panitan, Capiz.
Ginkilala ang naaresto nga si Michael Besa, 18 anyos kag residente sang nasambit man nga lugar nga akusado sa kaso nga Carnapping.
Ang warrant of arrest batuk kay Besa ang ginpapanaog ni Judge Kristine Tiangco-Vinculado sang Regional Trial Court, Branch 16, Roxas City sadtong Hunyo 15, 2020.
Ginrekomendar sang korte ang P300, 000 nga piyansa para sa temporaryo nga kahilwayan ni Besa nga nakahunong karon sa karsel sang Panitan Municipal Police Station.
