Patay ang isa ka lalaki nga nagapungko sa guwa sang ila balay matapos maigo sa dughan sang stray bullet sang airgun sa Mabalacat, Pampanga.
Ang biktima amo si Raul Pangilinan, residente sang Barangay San Francisco.
Suno sa kapulisan, nagapungko ang biktima sa atubang sang ila balay sang bisperas sang paskwa sang may nabatyagan ini nga butang sa iya dughan nga una sini nga gindumdom nga bato ang ginhaboy sa iya.
Wala magdugay, nag-ilig ang dugo sa iya dughan kag nadulaan sang animo ang biktima.
Gindala sa ospital ang biktima apang ginbawian man sang kabuhi.
Nagagwa sa imbestigasyon nga naghalin sa airgun ang bala ukon pellet nga nag-igo sa biktima.
Nagpamalibad ang kapulisan nga maghatag sang dugang nga detalye samtang ginapreparahan ang posible pagpasaka sang reklamo batuk sa ila person of interest.
