ROXAS CITY – Patay ang 26-anyos nga lalaki matapos luthangon sa sulod sang binaylihan sa Barangay Maalan, Maayon, Capiz.
Ginkilala ang biktima nga si Micheal Fuentes nga nag-angkon sang pilas sa nalikod nga bahin sang ulo matapos tiruhon sang suspek nga si Gerry Dellomos.
Suno kay Police Inspector Mark Anthony Garcia, hepe sang Maayon Municipal Police Station, nagasaut sa last dance sa binaylihan ang biktima sang hinali nga nag-abot ang suspek nga may dala nga 12 gauge single shot nga pusil.
Hinali nga gintiro sini ang biktima nga nagatalikod samtang enjoy na enjoy sa iya nga pagsaut.
Plano pa kuntani nga magpalagyo ang suspek, apang wala ini sang nahimo sang gindakup ini sang mga CVO.
Gindala pa sa ospital ang biktima, apang gindeklara nga dead on arrival sang doktor.
Samtang nagaguwa sa imbestigasyon nga madugang na nga awat ang motibo sa krimen.
