Lalaki, patay sa adlaw sang lubong sang iya asawa matapos makabunggo sa 10-wheeler wing van ang ginamaneho sini nga SUV

Patay ang 45 anyos nga lalaki sa Matalam, Cotabato sa mismo nga adlaw sang lubong sang iya nga asawa.

Ini matapos makabunggo ang ginamaneho nga SUV ni Junifel sa isa ka 10-wheeler wing van nga naka-park sa kilid sang highway sa purok 3, Kilada sa Matalam.

Kaupod sang lalaki ang iya 17 anyos nga anak nga nakaangkon sang bali sa tiil kasunod sang natabo nga road crash.

Dead on arrival ang lalaki samtang ginabulong pa sa ospital ang iya anak.

Suno kay PSSg. Joselito Palmera, duty investigator sang Matalam police, nagbakal lang sang ice ang mag-amay kag posible kapoy ini kag natulogan.

Gamiton kuntani ang ice agud palamigon ang mga ilimnon para sa lubong sang asawa sang lalaki.

Napatay ang bana pila ka oras antes ang lubong sang iya nga asawa.