Liwat nga ginpamatud-an sang estado sang Florida ang iya reputasyon bilang sentro sang makatalanhaga nga balita pagkatapos sang pag-aresto sa 51-anyos nga si Kevin Dale Westerhold bangud sa “indecent act” sa publiko.
Suno sa Osceola County Sheriff’s Office, nagresponde sila sa isa ka subdivision sa Kissimmee pagkatapos nga nagreklamo ang mga pumuluyo nga nakita nila si Westerhold nga wala sang panapton samtang nagahimo sang “sexual performance” gamit ang vacuum cleaner sa atubang sang iya kaingod.
Nakuhaan sang video sang mga nakasaksi ang insidente.
Sa imbestigasyon sang kapulisan, natukiban nga indi ini ang una nga tion nga nakahimo sang makatilingala nga buhat ang suspek.
Nahibaluan man nga nagapadalagan sang Airbnb ang suspek kag ang iya asawa sa nasambit nga lugar.
Nadakpan naman i Westerhold sa Oviedo kag ginpasakaan sang kaso nga exposure of sexual organs.
Apisar nga temporaryo ini nga ginhilway, maga-atubang ini sa korte sa masunod nga bulan.
Sa idalom sang layi saFlorida, ini nga sahi sang lewd exposure isa ka misdemeanor nga mahimo magresulta sa pagkapreso tubtob sa isa ka tuig nga may dugang nga multa.
