Ginpanindugan sang kampo ni Vice President Sara Duterte nga si Ramil Madriaga ang ginakabig nga pinakamaluya nga bahin sang impeachment case batuk sa Vice President, matapos ini nga napaslawan nga masabat ang mga mabakod nga ebidensya may kaangtanan sa perjury complaint batuk sa iya.
Suno kay Atty. Salvador Paolo Panelo Jr., ginpahayag nga wala napamatud-an kag wala sang bastante nga kabug-aton ang mga alegasyon ni Madriaga, kalakip na ang mga pahayag natuhoy sa ginaalegar cash deliveries kag mando sa paggamit sang prepaid calls.
Dugang pa sang kampo, labi pa kag nabuhinan ang kredibilidad ni Madriaga matapos ang ginpasa nga Supplemental Affidavit, partikular sa isyu kun ngaman siya nga dapat patihan sa mga sensitibo nga pahayag nga may kaangtanan kanday anay President Rodrigo Duterte kag Vice President Sara Duterte.
Ginsiling pa sang kampo nga padayon nila nga ginapanindugan nga mabuyagyag ang kamatuuran kag handa sila nga sabton kag athagon ang mga alegasyon sa mga masunod nga hearing.
