Liwat nga naghimu sang impresibo nga triple-double performance ang 39-anyos nga si Lebron James sa kadalag-an sang Los Angeles lakers batuk San Antonio Spurs, sa iskor nga 119 – 102.
Sa sulod sang 33 mins, nagpasulod sang 16-points ang sa karun pinakatigulang nga player sang NBA, nag-agaw sang napulo ka rebounds kag naghimu sang 11 ka assists.
Ginbuligan man suno ini siya sang bigman nga si Anthony Davis nga nagkamada sang 19 points kag 14 ka rebound.
Sa nangin pagkapiyerde sang San Antonio, nagpakita man sang impresibo nga double-double ang sophomore nga si Victor Wembanyama – 20 points, 10 rebs, samtang 19 points naman ang kontribusyon sang beterano nga forward nga si Harrison Barnes.
Ginpilit naman sang Lakers nga dominahon ang kabug-usan nga hampang sa pihak sang manami nga depensa nga ginpakita sang San Antonio.
