Roxas City – Prayoridad karon sang City Government ang paghatag sang libre nga Hypertension Maintenance kag Anti-Diabetes Medication para sa mga katigulangan sa siyudad sang Roxas.
Kasunod ini sa ginhinalaan sa ginpatigayon nga Executive Legislative Agenda (ELA) kag Capability Development sa siyudad sang Iloilo.
Ginpakamaayo ni City Mayor Ronnie Dadivas nga mahatagan naman sang atensyon subong ang mga katigulangan partikular na sa mga wala sang ikasarang kag wala sang inugbakal sang bulong.
Base sa datos sang City Health Office nga yara sa 84 porsyento sa 7,000 tanan ka mga senior citizen ang nagasuprer sang balatian.
Bangud diri, ginpakamaayo sang alkalde nga magtukod sang nasambit nga programa agud makabulig sa mga pumuluyo nga nagakinahanglan.
Sa pihak nga bahin, makaangkon naman sang libre nga Philhealth Membership ang mga barangay tanod, barangay health workers kag day care workers sa siyudad.
Suno kay Dadivas nga ang city government na mismo ang bahala nga maghikut sang ila Philhealth Membership sumugod sa masunod nga tuig 2020.
Ini bilang kabaylo sa pagsakripisyo kag pagserbisyo nila sa ila barangay pinaagi sa pagpabilin sang kalinong kag katawhay sa ila lugar.
