Lima ka tawo ang napatay kag 41 pa ang ginapangita matapos masunog ang isa ka pampasahero nga ferry nga may sakay nga kapin 250 ka pasahero sa katubigan malapit sa isla sang Madura, Indonesia.
Suno sa Indonesian National Search and Rescue Agency (Basarnas), nagreport ang kapitan sang KMP Mutiara Sentosa 2 nga nasunog ang barko samtang nagabiyahe halin Surabaya, East Java pakadto sa Makassar, South Sulawesi.
Nabaton sang Surabaya Search and Rescue Office ang report alas-8:24 sang aga, samtang ginabanta nga nag-umpisa ang sunog tunga sang alas-6:00 kag alas-7:00 sang aga.
Sa mga video nga naglapta sa social media, makita ang mga pasahero nga nagsakay sa lifeboat kag nagasuksok sang life jacket, samtang ang iban napilitan maglumpat sa dagat agud makaluwas.
Suno sa Basarnas, halos natupok sang kalayo ang bug-os nga barko.
Padayon naman ang search and rescue operations sang mga otoridad sa nagapabiling nga missing
