Ginsiraduhan ang isa ka airport sa London matapos nga nag-crash ang eroplano sa amo nga lugar kahapon nga adlaw.
Suno sa awotirad, nakabaton sila sang report tuhoy sa nasunog nga eroplano malapit sa airport.
Wala pa sang opisyal nga kumpirmasyon angut sa numero sang casualties ukon napilasan sa nasambit nga insidente.
Ginkumpirmar sang Dutch company nga ila ang eroplano. Suno sa kumpaniya, nagakooperar sila sa mga otoridad sa imbestigasyon.
Nahibaluan nga ang eroplano nga nag-crash ang nagabiyahe halin sa Athens, Greece, padulong sa Pula, Croatia, sa diin magbalik ini kun tani sa Lelystad Airport sa Netherlands.
Suno sa mga nakakita, nagliko ang eroplano kag nag-crash sa tuo nga bahin, nga ginsundan sang mabaskog nga paglupok. Gin-evacuate man ang mga parte sang golf course malapit sa insidente.
Samtang, nagpalab-ot man sang bulig ang UK Transport Secretary nga si Heidi Alexander nga nagasiling nga ginabantayan niya ang sitwasyon kag nagpabutyag sang suporta para sa mga lokal nga opisyal gikan sa Southend City Council kag Parliament.
