PAGASA, ginapaabot nga magadala sang madag-umon nga kalangitan, kalat-kalat nga ulan kag pagpanalugdog ang isa ka Low Pressure Area (LPA) sa pila ka bahin sang Luzon kag Visayas subong nga Martes, Hunyo 30.
Sakop sang maulanon nga panahon ang Metro Manila, bug-os nga Visayas, CALABARZON, Bicol Region, Occidental Mindoro, Oriental Mindoro, Marinduque, kag Romblon. Samtang, ang Habagat ukon Southwest Monsoon amo man ang magadala sang pareho nga kondisyon sang panahon sa Palawan.
Sa pihak nga bahin, ang nabilin nga mga lugar sa pungsod makabatyag sang bahin nga madag-umon tubtob madag-umon nga kalangitan nga may posible nga inugpanahon nga ulan ukon pagpanalugdog bangud sang localized thunderstorms. Ginpaandaman man sang PAGASA ang publiko sa posible nga pagbaha kag landslide sa mga lugar nga maapektuhan sang mabaskog nga ulan.
