Nagpahayag sang kahangawa si anay health secretary kag karun House deputy majority leader kag Iloilo Representative Janette Garin may kaangtanan sa pag-atras sang Amerika nga maghatag sang bulig sa World Health Organization (WHO).
Suno kay Garin ang pagwithdraw sang Estados Unidos sa World Health Organization kung sa diin mahimo nga makaapekto sa kapag-on sang ikaayong lawas sang pungsod kag iban pa nga mga programa nga ginasuportahan sang WHO kag mangin sang USAID.
Ginhatagan man sini niya sang pagtamud nga tuman ini ka-importante para sa Pilipinas bangud madamo nga programa sa ikaayong lawas ang nagakuha sang funding support nagikan sa WHO.
Magluwas pa diri, nga sa posible implikasyon sang amu nga tikang mahimo ini nga maghatag sang giya sa mga pungsod kaangay sang China kag Russia sa paghatag sang ila dako nga ekonomiya nga magpamuno sa health organization, subong man mahatagan sila sang access sa mga sensitibo nga impormasyon nga mahimo magresulta sa pagpamahog sa seguridad sa nagkalain-lain nga pungsod.
Ginhatagan man sini sang pagatamud ang kinahanglanon nga mag-angkon sang reporma ang gastos sang WHO, kung sa diin nagasiling nga kinahanglan buhinan ang mga indi kinahanglan nga galastusan kaangay sang masami nga pagbiyahe, kag “wine and dine,” agud magpain sang madamo nga pondo sa mga butang nga may kaangtanan sa ikaayong lawas.
Matandaan una na nga ginpirmahan ni US President Donald Trump ang executive order para sa US nga magkakas na sa WHO.
Samtang, nagapati naman ang mamalidha nga ginhimo
ni Trump ang desisyon bangud luyag nila nga magastos sang masobra pa para sa ila mga kinahanglanon kabangdanan nga ginsiling niya ini nga “understandable.”
Ginhatagan man sini niya ang importansya nga papel sang WHO sa global health bangud nagapanguna nga nagapatigayon sang surveillance sa mga public health emergencies sa bilog nga pungsod.
