Hinimok sang Malacañang si Senador Ronald “Bato” dela Rosa nga magpakita kag atubangon ang mga kaso batok sa iya kon wala gid siya sang sala. Ini ang pahayag ni Palace Press Officer kag Communications USec. Claire Castro sa isa ka press briefing sang Lunes.
Suno kay Castro, bilang anay hepe sang Philippine National Police, dapat kabalo si Ronald dela Rosa nga may yara sang balido nga warrant of arrest nga gin-isyu sang International Criminal Court. Gani, kon inosente siya, wala siya dapat kahadlukan kag kinahanglan nga magguwa siya sa publiko.
Nagpaandam man ang Malacañang nga kon tinguhaan ni dela Rosa nga magpalagyo ukon maggwa sang pungsod, posible siya nga dakpon suno sa mando sang Department of Justice. Ginpahayag man ni Castro nga ginatamod sang administrasyon ni Ferdinand Marcos Jr. ang pending nga kaso sa Korte Suprema, apang indi kinahanglan nga magpanago ukon magpalagyo ang senador.
Sa subong, kabahin si dela Rosa sa listahan sang wanted persons sang ICC may kaangtanan sa alegasyon sang crimes against humanity nga may kahilabtanan sa kontrobersyal nga drug war sang Duterte administration.
