Ginakabalak-an sang magagmay nga mga mangingisda sa Roxas City ang posible nga epekto sang El Niño sa ila pangabuhian.
Sa interview sang Bombo Radyo kay Mr. Ronilo Combate, Chairman sang Roxas City Fisheries and Aquatic Resources Management Council (CFARMC), iya ginpahayag nga posible nga maapektuhan ang sektor sang pagpangisda bangud sa pagnabaw sang tubig sa mga baybayon kag mga palaisdaan.
Suno kay Combate, isa man sa nagapabudlay sa ila sitwasyon ang padayon nga pagmahal sang presyo sang gatong.
Nagakabala man ang natungdan sa ang overfishing ukon ang illegal nga pagpangisda nga mahimo makahalit sa mgadunang manggad sa kadagatan.
Bangud sini nagpanawagan man ang natungdan sa gobyerno nga protektahan ang mga katubigan kag iban pa nga dunang manggad agud mapreserbar ang kadagatan kag mapadayon ang pangabuhian sang mga mangingisda.
