Hugot nga ginpamatukan sang Makabayan Bloc sa Kongreso ang resolusyon sang Senado nga nagapanawagan sa International Criminal Court (ICC) nga ipaidalom sa house arrest si anay Presidente Rodrigo Duterte.
Suno sa grupo, indi ini humanitarian measure kundi pagtinguha nga tabunan ang mga krimen ni Duterte may kaangtanan sa linibo ka extra-judicial killings sa idalum sang war on drugs.
Gintawag ni Rep. Antonio Tinio nga “paglilinlang sang hustisya,” ang resolusyon ni Rep. Antonio Tinio, samtang nagpanindugan si Rep. Renee Louise Co. nga isa ini ka “political maneuver” agud mapangapinan si Duterte kag ang iya mga kaalyado.
Ginpahayag naman ni Rep. Sarah Elago nga isa ini ka insulto sa mga pamilya nga nadulaan sang ila mga pinalangga.
Ginpakamalaut man nila ang partisipasyon ni Senador Ronald “Bato” dela Rosa sa resolusyon, nga gintumod sang ICC nga posible kaupod sa mga krimen.
Nagpanawagan ang Makabayan Bloc sa ICC nga ipadayon ang kaso batuk kay Duterte kag ginpanindugan nga insulto sa mga biktima sang pagpangpatay ang house arrest.
