Makawiwili masonic lodge no. 55 kag 603rd Capiz community defense center, nagpatigayon sang tree planting activity sa Barangay Timpas, Panitan, Capiz

Nagpatigayon sang tree planting activity ang Makawiwili Masonic Lodge No. 55 kag 603rd Capiz Community Defense Center sa Camp Sen. Antonio Belo, Barangay Timpas, Panitan, Capiz.

Sa interview sang Bombo Radyo kay Retired Colonel Jonathan Gayas, Retired Senior Warden sang Makawiwili Masonic Lodge, iya ginpahayag nga dako ang mabulig sang pagtanom sang kahoy sa pag-atubang sang climate change.

Suno kay Gayas, lakip sa mga gintanom ang mga kahoy nga marang kag babana nga nagabulig sa pagpreserbar sang environment.

Dugang pa sini, ang amo nga aktibidad kabahin sang ila panikasog nga mapadayon ang pag-atipan kag pagproteher sang palibot.