Malacañang, nagdepensa nga ang manubo nga balor sang piso ang bangud sa imbestigasyon sa flood control

Nagdepensa ang Malacañang sa all-time low nga balor sang piso nga yara sa P59.44 katumbas sang isa ka US dollar kahapon nga adlaw.

Suno kay Palace Press Officer Undersecretary Claire Castro, isa sa mga rason sang pagnubo sang balor sang piso amo bangud sa imbestigasyon sang maanomaliya nga flood control projects nga ginpangunahan ni President Ferdinand Marcos Jr.

Pahayag ni Atty. Castro, apisar amo sini ang konsekwensya, ginpakamaayo sang Presidente nga tinloan sa gihapon ang gobyerno batuk sa maanomaliya nga flood control projects.

Dugang pa sang natungdan, mangin ang global kag domestic issues ang naka-contribute man sa pagnubo sang balor sang piso lakip na ang tension sa tunga sang Estados Unidos sang Amerika kag Venezuela.